RCS: F10329
IBAN: LU28 0027 2100 6390 2600
BIC: BILLLULL
ZESUMME FIR ENG BESSER ZUKUNFT
zënter 2013
Eng besser Zukunft
Aide Philippines ass eng Lëtzebuerger Non-Profit-Organisatioun, déi sech der humanitärer Hëllef op de Philippinne verschriwwen huet. Eis Missioun besteet an der Verbesserung vun der Liewensqualitéit vu Mënschen, déi vun Naturkatastrophen, Aarmut oder aneren Noutstänn betraff sinn.
Fir eisen humanitären Impakt weider auszebauen hu mir eis rezent mat ALAL (Amitié Luxembourg-Amérique Latine) zesummegedoen a sinn den Ament amgaangen, béid Organisatioune mateneen ze fusionéieren.
Eis Wäerter
E staarkt Engagement
De 15. Oktober 2013 huet en Äerdbiewen de philippinneschen Archipel verwüst. Knapps dräi Wochen drop gouf d'Land vun enger weiderer Katastroph heemgesicht: dem Super-Taifun Yolanda (Haiyan).
Dëst ass de Kontext, aus deem Aide Philippines seng Urspréng zitt. Aus enger spontaner Initiativ, déi direkt no der Katastroph éischt Direkthëllef geleescht huet, ass eng Associatioun entstanen, déi d'Bereetstelle vun essentieller humanitärer Ënnerstëtzung laangfristeg garantéiere soll.
Zënterhier huet sech Aide Philippines ëmmer weider entwéckelt an ass zu enger staarker a polyvalenter Organisatioun erugewuess, déi ëmmer nees ënner Beweis stellt, wat fir eng onwarscheinlech Kraaft vu Solidaritéit an Zesummenhalt ausgoe kann.
Eis Asazgebitter
